ദിവ്യ സ്നേഹത്തിൻ്റെയും ജ്ഞാനത്തിൻ്റെയും ഉത്തമ വഴിയാണ് സുൽത്വാനിയ ഫൗണ്ടേഷൻ പ്രബോധനം ചെയ്യുന്നത്. ആത്മാക്കളുടെ ലോകത്ത് അല്ലാഹുവുമായി ചെയ്ത കരാർ ഭൂലോകത്ത് പുതുക്കാതെ ഒരാളും പൂർണ്ണ മുഅ്മിനാകുകയില്ല. പരിശുദ്ധ ഖുർആനിൽ അല്ലാഹു പറയുന്നു: "നിൻ്റെ നാഥന്‍ ആദം സന്തതികളുടെ മുതുകുകളില്‍ നിന്ന് അവരുടെ സന്താന പരമ്പരകളെ പുറത്തെടുക്കുകയും അവരുടെ മേല്‍ അവരെത്തന്നെ സാക്ഷിയാക്കുകയും ചെയ്ത സന്ദര്‍ഭം; അവന്‍ ചോദിച്ചു: "നിങ്ങളുടെ നാഥന്‍ ഞാനല്ലയോ?” അവര്‍ പറഞ്ഞു: "അതെ, ഞങ്ങളതിന് സാക്ഷ്യം വഹിച്ചിരിക്കുന്നു.” ഉയർത്തെഴുന്നേല്‍പ്പിൻ്റെ നാളിൽ “ഞങ്ങള്‍ ഇതേക്കുറിച്ച് അശ്രദ്ധരായിരുന്നു”വെന്ന് നിങ്ങള്‍ പറയാതിരിക്കാനാണിത്. (അഅ്റാഫ് 172) ഈ ദൗത്യം പൂർത്തീകരിക്കുന്നതിന് വേണ്ടി മഹാന്മാരുടെ ശിക്ഷണത്തിലും നേതൃത്തത്തിലും നിലവിൽ വന്ന കൂട്ടായ്മയാണ് 'സുൽത്വാനിയ ഫൗണ്ടേഷൻ'.